cumque choro meliore sui vineta Timoli
	Pactolonque petit, quamvis non aureus illo
	tempore nec caris erat invidiosus harenis.

Bacchus und sein Gefolge verlassen Thrakien und gehen nach Phrygien.

(Relief, ca. 50 a. Chr.) Ovid, Met. XI, 89

 

hunc adsueta cohors, satyri bacchaeque, frequentant,

"Schwankend vom Wein und vom Alter" wird er von phrygischen Bauern getragen.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met. XI, 90-91

Die Bauern bringen Silen zu König Midas.

(Virgil Solis, Edition 1581) Ovid, Met. XI, 92-94

Midas erkennt seinen alten Freund Silen.

(Annibale Caracci, 1597) Ovid, Met. XI, 94

Das ist für Midas ein Grund, ein Fest zu feiern.

(Bacchanalien: Lovis Corinth, 1896) Ovid, Met. XI, 95

Zwei Teilnehmer am 10-tägigen Trinkfest.

(Tanagra, 2. Jhdt. p. Chr.) Ovid, Met. XI, 94-95

Nach einem 10-tägigen Weinfest gibt Midas den Silen an Bacchus zurück.

(Pierre Gusman, 1892) Ovid, Met. XI, 96-100

Bacchus gibt aus Dankbarkeit dem Midas einen Wunsch frei.

(Hendrik de Clerck, 1620) Ovid, Met. XI, 100-103

Midas wünscht sich, dass alles, was er berühre sich in Gold verwandle.

(Midasgold) Ovid, Met. XI, 102-103

Der Wunsch wird erfüllt: Alles wird durch Berührung zu Gold

(Goldmünze Kasakhstan) Ovid, Met. XI, 118-119

Auch Speisen und Getränke verwandeln sich in Gold. Nun bittet Midas den Gott, dass er den Wunsch wieder rückgängig mache.

Bachcus erhört seine Bitte. So scheint Midas aus Schaden klüger geworden zu sein. Nach Midas' Bad im Fluss Paktolus führt dieser Gold.

(Cornelis de Vos, 1585-1651) Ovid, Met. XI, 133-145

XI: 146 - 171 Pan et Apollo apud Tmolum concertant
Pan und Apollo im musikalischen Wettstreit bei Tmolus
Pan and Apollo compete before Tmolus
Pan y Apolo en competencia con Tmolos

	Ille perosus opes silvas et rura colebat

Doch nicht klug genug: Midas flieht in die Berge

und sucht die Gesellschaft des einfältigen Pan.

(Pan als Flötenlehrer, Herculaneum) Ovid, Met. XI, 146-149

 

	Panaque montanis habitantem semper in antris,
	pingue sed ingenium mansit, nocituraque, ut ante,
	rursus erant domino stultae praecordia mentis.

150	nam freta prospiciens late riget arduus alto
	Tmolus in ascensu clivoque extensus utroque
	Sardibus hinc, illinc parvis finitur Hypaepis.

Pan fordert Apollo zu einem musikalischen Wettstreit heraus.

( Pan: Arnold Böcklin, 1875 / Apollo: Simon Vouet, 1590-1649) Ovid, Met. XI, 100-145

 

	Pan ibi dum teneris iactat sua sibila nymphis
	et leve cerata modulatur harundine carmen
155	ausus Apollineos prae se contemnere cantus,
	iudice sub Tmolo certamen venit ad inpar.

	Monte suo senior iudex consedit et aures
	liberat arboribus: quercu coma caerula tantum
	cingitur, et pendent circum cava tempora glandes.
160	isque deum pecoris spectans 'in iudice' dixit

Pan lässt auf bäurisch gefügter Rohrflöte sein barbarisches Lied ertönen. Das hört zufällig auch Midas und es beeindruckt ihn.

(Dissonanz: Franz von Stuck 1910) Ovid, Met. XI, 161-163

 

	'nulla mora est.' calamis agrestibus insonat ille
	barbaricoque Midan (aderat nam forte canenti)

	carmine delenit; post hunc sacer ora retorsit

Schiedsrichter ist der Berggott Tmolus.

( Frans Floris, 1516-1570) Ovid, Met. XI, 156-171

 

Tmolus ad os Phoebi: vultum sua silva secuta est.

165	ille caput flavum lauro Parnaside vinctus
	verrit humum Tyrio saturata murice palla
	instructamque fidem gemmis et dentibus Indis
	sustinet a laeva, tenuit manus altera plectrum;

Apollo bietet den Auftritt des vollendeten Künstlers.

(Virgil Solis, Edition 1581) Ovid, Met.XI, 169

 

	artificis status ipse fuit. tum stamina docto
170	pollice sollicitat, quorum dulcedine captus

Das Urteil des Tmolus: Pan soll sich Apollo geschlagen geben.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 171

 

Pana iubet Tmolus citharae submittere cannas.

XI: 172 - 193 Midas auribus aselli ornatus
Midas erhält Eselsohren
Midas and the ass's ears
A Midas le crecen orejas de burro

	Iudicium sanctique placet sententia montis
	omnibus, arguitur tamen atque iniusta vocatur

Midas erkennt als einziger das Urteil nicht an. Apollo ist entrüstet.

(Mignard d' Avignon, 1606-1668) Ovid, Met.XI, 174-175

 

	unius sermone Midae; nec Delius aures
175	humanam stolidas patitur retinere figuram,

Apollo zieht dem Midas die Ohren lang, weil sie so schlecht gehört haben.

(Johann Ulrich Krauss, Edition 1690) Ovid, Met.XI, 176

 

	sed trahit in spatium villisque albentibus inplet
	instabilesque imas facit et dat posse moveri:

	cetera sunt hominis, partem damnatur in unam

Apollo verpasst Midas Eselsohren. Diese versucht er zu verbergen.

(Carlos Parada, * 1946, Greek Mythology Link, s. Lateinlinks Nr. 5) Ovid, Met.XI, 181

 

	induiturque aures lente gradientis aselli.
180	ille quidem celare cupit turpique pudore
	tempora purpureis temptat relevare tiaris;

	sed solitus longos ferro resecare capillos

Midas' Friseur entdeckt die Ohren. Diesem wird verboten, mit anderen darüber zu reden.

(Annibale Carracci, 1560-1609) Ovid, Met.XI, 183-187

 

	viderat hoc famulus, qui cum nec prodere visum
	dedecus auderet, cupiens efferre sub auras,

185	nec posset reticere tamen, secedit humumque
	effodit et, domini quales adspexerit aures,

Der Friseur flüstert das Geheimnis um Midas' Eselsohren in ein Erdloch. Aus dem zugeschütteten Loch

wächst Röhricht. Daraus raunt bald die Wahrheit als "Binsenweisheit".

(Johann Ulrich Krauss, Edition 1690) Ovid, Met.XI, 186-193

 

	voce refert parva terraeque inmurmurat haustae
	indiciumque suae vocis tellure regesta
	obruit et scrobibus tacitus discedit opertis.
190	creber harundinibus tremulis ibi surgere lucus
	coepit et, ut primum pleno maturuit anno,
	prodidit agricolam: leni nam motus ab austro
	obruta verba refert dominique coarguit aures.

XI: 194 - 220 Laomedon et moenia Troiae
Laomedon und die Mauern von Troja
Laomedon and the walls of Troy
Laomedonte y las murallas de Troya

Von Midas Apollo fliegt zum Hellespont. Einst war hier Helle

vom Widder mit dem goldenen Vlies abgestürzt.

(Mythologischer Atlas, 1885) Ovid, Met.XI, 194-195

 

Ultus abit Tmolo liquidumque per aera vectus

Helle, ihr Bruder Phrixos und der Widder.

(Ovidedition 1508) Ovid, Met.XI, 195

 

195	angustum citra pontum Nepheleidos Helles
	Laomedonteis Latoius adstitit arvis.

	dextera Sigei, Rhoetei laeva profundi
	ara Panomphaeo vetus est sacrata Tonanti:

Apollo sieht wie Laomedon mit dem Bau eines neuen Troia beginnt.

(Virgil Solis, Edition 1581 Ovid, Met.XI, 199

 

	inde novae primum moliri moenia Troiae
200	Laomedonta videt susceptaque magna labore
	crescere difficili nec opes exposcere parvas

Apollo gewinnt Neptun für die Mithilfe bei dieser Arbeit.

(Neptun, Stefan Merkt) Ovid, Met.XI, 202

 

	cumque tridentigero tumidi genitore profundi
	mortalem induitur formam Phrygiaeque tyranno

Apollo und Neptun helfen Laomedon beim Mauerbau Trojas.

(Johann Ulrich Krauss, Edition 1590) Ovid, Met.XI, 202-204

 

aedificat muros pactus pro moenibus aurum.

205	stabat opus: pretium rex infitiatur et addit,
	perfidiae cumulum, falsis periuria verbis.

Als Laomedon das versprochene Gold verweigert, schickt Neptun eine Flut.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 206-210

 

	'non inpune feres' rector maris inquit, et omnes
	inclinavit aquas ad avarae litora Troiae
	inque freti formam terras conplevit opesque
210	abstulit agricolis et fluctibus obruit agros.

Laomedons Tochter Hesione soll einem Drachen geopfert werden.

(Correggio, Parma 1519) Ovid, Met.XI, 211

 

	poena neque haec satis est: regis quoque filia monstro
	poscitur aequoreo, quam dura ad saxa revinctam

Hercules befreit Hesione.

(Hesione, Eric Morris) Ovid, Met.XI, 213

 

vindicat Alcides promissaque munera dictos

Weil Hercules dafür den Lohn nicht erhält, zerstört er Trojas Mauern

(Virgil Solis, Edition 1581) Ovid, Met.XI, 214-215

 

	poscit equos tantique operis mercede negata
215	bis periura capit superatae moenia Troiae.

Hesione wird die Frau von Hercules' Kampfgenossen Telamon.

(Telamonstatue aus einer röm. Villa) Ovid, Met.XI, 217

 

nec, pars militiae, Telamon sine honore recessit

Denn ein weiterer Mitstreiter, Peleus,

war schon verheiratet: mit der Meeresgöttin Thetis

(Peleus und Thetis, Joachim Wtewael ) Ovid, Met.XI, 217

 

	Hesioneque data potitur. nam coniuge Peleus
	clarus erat diva nec avi magis ille superbus
	nomine quam soceri, siquidem Iovis esse nepoti
220	contigit haut uni, coniunx dea contigit uni.

XI: 221 -265 Peleus et Thetis
Peleus und Thetis
Peleus and Thetis
Peleo y Tetis

	Namque senex Thetidi Proteus 'dea' dixerat 'undae,
	concipe: mater eris iuvenis, qui fortibus annis

Rückblende: Zur Hochzeit von Peleus und Thetis waren (fast) alle olympischen Gottheiten eingeladen worden.

Eris, die Göttin der Zwietracht, vergaß man. Sie stellte die Weichen zum trojanischen Krieg -> goldener Apfel -> Parisurteil

(J. M. Rottmayr, 1711, Salzburger Residenz) Ovid, Met.XI, 223

 

acta patris vincet maiorque vocabitur illo.'

	ergo, ne quicquam mundus Iove maius haberet,
225	quamvis haut tepidos sub pectore senserat ignes,

Zuvor hatte Jupiter Thetis begehrt. Weil aber geweissagt war, ihr Sohn

werde größer sein als der Vater, überließ er sie dem Enkel Peleus.

(Jean A. D. ingres, 1811) Ovid, Met.XI, 221-228

 

	Iuppiter aequoreae Thetidis conubia fugit,
	in suaque Aeaciden succedere vota nepotem
	iussit et amplexus in virginis ire marinae.

	Est sinus Haemoniae curvos falcatus in arcus,
230	bracchia procurrunt: ubi, si foret altior unda,
	portus erat; summis inductum est aequor harenis;
	litus habet solidum, quod nec vestigia servet
	nec remoretur iter nec opertum pendeat alga;
	myrtea silva subest bicoloribus obsita bacis.
235	est specus in medio, natura factus an arte,
	ambiguum, magis arte tamen: quo saepe venire

Thetis, die schöne Tochter des Nereus, pflegt nackt auf einem Delphin zu reiten.

Zum Schlaf sucht sie regelmäßig eine einsame Bucht auf.

(Adam Bauer, Frankenthal, ca. 1778) Ovid, Met.XI, 236-237

 

frenato delphine sedens, Theti, nuda solebas.

Hier überrascht Peleus die Schlafende.

(R. Regius 1509, Giunta-Druckstock 1497) Ovid, Met.XI, 238

 

illic te Peleus, ut somno vincta iacebas,

Thetis widersetzt sich seinen eindeutigen Wünschen.

(Johann Ulrich Krauss, Edition 1590) Ovid, Met.XI, 239

 

occupat, et quoniam precibus temptata repugnas,

So gebraucht Peleus Gewalt,

( B. West 1738-1820) Ovid, Met.XI, 239-240

 

240	vim parat, innectens ambobus colla lacertis;

Indem Thetis sich immer aufs neue verwandelt, entgeht sie seinem Vorhaben.

Zuerst wird sie ein Vogel.

(R. Regius 1509, Giunta-Druckstock 1497) Ovid, Met.XI, 241-243

 

	quod nisi venisses variatis saepe figuris
	ad solitas artes, auso foret ille potitus;
	sed modo tu volucris: volucrem tamen ille tenebat;

Dann wird Thetis ein Baum.

(Ludovico Dolce, 1558) Ovid, Met.XI, 241-246

 

nunc gravis arbor eras: haerebat in arbore Peleus;

Als nächstes nimmt sie die Gestalt einer Tigerin an.

(Virgil Solis, Edition 1581) Ovid, Met.XI, 245

 

245	tertia forma fuit maculosae tigridis: illa

Darüber erschrocken löst Peleus die Umklammerung.

(Peleus, Thetis - Schwanthaler, Ludwig 1830) Ovid, Met.XI, 245

 

territus Aeacides a corpore bracchia solvit.

	inde deos pelagi vino super aequora fuso
	et pecoris fibris et fumo turis adorat,
	donec Carpathius medio de gurgite vates
250	'Aeacide,' dixit 'thalamis potiere petitis,
	tu modo, cum rigido sopita quiescet in antro,
	ignaram laqueis vincloque innecte tenaci.
	nec te decipiat centum mentita figuras,
	sed preme, quicquid erit, dum, quod fuit ante, reformet.'

Der Seher Proteus berät Peleus, wie er Thethis besiegen kann.

(Carlos Parada, Greek Mythology Link, s. Lateinlinks Nr. 5) Ovid, Met.XI, 250-255

 

255	dixerat haec Proteus et condidit aequore vultum
	admisitque suos in verba novissima fluctus.

	Pronus erat Titan inclinatoque tenebat

Peleus überrascht die schöne Thetis erneut in der einsamen Bucht.

Dieses Mal soll er sein Ziel erreichen.

(röm. Mosaik, 4. Jhdt p. Chr., Bardo-Museum, Tunis) Ovid, Met.XI, 258-260

 

	Hesperium temone fretum, cum pulchra relicto
	Nereis ingreditur consueta cubilia ponto;

260	vix bene virgineos Peleus invaserat artus:
	illa novat formas, donec sua membra teneri
	sentit et in partes diversas bracchia tendi.

Nach vielen Verwandlungen weiß Thetis, dass Peleus

mit Proteus Hilfe siegen wird und nimmt ihre erste Gestalt an.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 264-265

 

tum denum ingemuit, 'ne' que ait 'sine numine vincis'

	exhibita estque Thetis: confessam amplectitur heros

So wird die Meeresgöttin Thetis die Frau des Peleus und Mutter des Achilles.

(Achilles, Stefan Merkt) Ovid, Met.XI, 265

 

265	et potitur votis ingentique inplet Achille.

XI: 266 - 345 Ceyx de sorte Daedalionis narrat
Ceyx erzählt die Geschichte von Daedalion
Ceyx tells the story of Daedalion
Céix relata la historia de Dedalión

Thetis und Peleus verleben nach der nachgeholten Hochzeit schöne Zeiten.

Schuldig am Tod seines Bruders Phocus muss Peleus sein Land verlassen.

(Peleus und Thetis, Joachim Wtewael) Ovid, Met.XI, 266

 

	Felix et nato, felix et coniuge Peleus,
	et cui, si demas iugulati crimina Phoci,
	omnia contigerant: fraterno sanguine sontem
	expulsumque domo patria Trachinia tellus
270	accipit. hic regnum sine vi, sine caede gerebat

Peleus flieht zum König Ceyx, den Sohn des Lucifer.

(schwedische Arbeit) Ovid, Met.XI, 271-272

 

	Lucifero genitore satus patriumque nitorem
	ore ferens Ceyx, illo qui tempore maestus
	dissimilisque sui fratrem lugebat ademptum.
	quo postquam Aeacides fessus curaque viaque
275	venit et intravit paucis comitantibus urbem,
	quosque greges pecorum, quae secum armenta trahebat,
	haut procul a muris sub opaca valle reliquit;
	copia cum facta est adeundi prima tyranni,
	velamenta manu praetendens supplice, qui sit
280	quoque satus, memorat, tantum sua crimina celat
	mentiturque fugae causam; petit, urbe vel agro
	se iuvet. hunc contra placido Trachinius ore
	talibus adloquitur: 'mediae quoque commoda plebi
	nostra patent, Peleu, nec inhospita regna tenemus;
285	adicis huic animo momenta potentia, clarum
	nomen avumque Iovem; ne tempora perde precando!
	quod petis, omne feres tuaque haec pro parte vocato,
	qualiacumque vides! utinam meliora videres!'
	et flebat: moveat tantos quae causa dolores,
290	Peleusque comitesque rogant; quibus ille profatur:

Peleus erfährt vom König Ceyx, warum dessen Bruder Daedalion ein Habicht wurde.

(Accipiter gentilis) Ovid, Met.XI, 291-345

 

	'forsitan hanc volucrem, rapto quae vivit et omnes
	terret aves, semper pennas habuisse putetis:
	vir fuit (et-tanta est animi constantia-iam tum
	acer erat belloque ferox ad vimque paratus)
295	nomine Daedalion. illo genitore creatis,
	qui vocat Auroram caeloque novissimus exit,
	culta mihi pax est, pacis mihi cura tenendae
	coniugiique fuit, fratri fera bella placebant:
	illius virtus reges gentesque subegit,
300	quae nunc Thisbaeas agitat mutata columbas.

	nata erat huic Chione, quae dotatissima forma
	mille procos habuit, bis septem nubilis annis.

Mercur verliebt sich in Daedalions Tochter Chione und verführt sie.

(Potsdam) Ovid, Met.XI, 303-317

 

	forte revertentes Phoebus Maiaque creatus,
	ille suis Delphis, hic vertice Cyllenaeo,
305	videre hanc pariter, pariter traxere colorem.
	spem veneris differt in tempora noctis Apollo;
	non fert ille moras virgaque movente soporem
	virginis os tangit: tactu iacet illa potenti
	vimque dei patitur; nox caelum sparserat astris:

In der folgenden Nacht schwängert auch Apollo Chione.

(J. Fr. Lück, Frankenthal 1756-59) Ovid, Met.XI, 310-317

 

310	Phoebus anum simulat praereptaque gaudia sumit.

	ut sua maturus conplevit tempora venter,
	alipedis de stirpe dei versuta propago
	nascitur Autolycus furtum ingeniosus ad omne,
	candida de nigris et de candentibus atra
315	qui facere adsuerat, patriae non degener artis;

Die Zwillinge geraten nach ihren Vätern: Merkurs Sohn wird ein verschlagener Dieb, ein Sänger der Spross des Apollo.

(Virgil Solis Edition 1581) Ovid, Met.XI, 310-317

 

	nascitur e Phoebo (namque est enixa gemellos)
	carmine vocali clarus citharaque Philammon.
	quid peperisse duos et dis placuisse duobus
	et forti genitore et progenitore nitenti
320	esse satam prodest? an obest quoque gloria multis?

	obfuit huic certe! quae se praeferre Dianae

Chione, Geliebte zweier Götter, wird stolz. Sie kritisiert Dianas Aussehen.

(Diana und Chione, Russell Flint, 1880-1969) Ovid, Met.XI, 322

 

sustinuit faciemque deae culpavit, at illi

	ira ferox mota est "factis" que "placebimus" inquit.
	nec mora, curvavit cornu nervoque sagittam

Diana durchbohrt mit einem Pfeil Chiones freche Zunge.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 321-327

 

325	inpulit et meritam traiecit harundine linguam.

	lingua tacet, nec vox temptataque verba sequuntur,

Chione, zweifach Mutter durch Mercur und Apollo, stirbt.

(Johann Ulrich Krauss, Edition 1690) Ovid, Met.XI, 327

 

conantemque loqui cum sanguine vita reliquit;

	quam miser amplexans ego tum patriumque dolorem
	corde tuli fratrique pio solacia dixi,
330	quae pater haut aliter quam cautes murmura ponti
	accipit et natam delamentatur ademptam;
	ut vero ardentem vidit, quater impetus illi
	in medios fuit ire rogos, quater inde repulsus
	concita membra fugae mandat similisque iuvenco
335	spicula crabronum pressa cervice gerenti,
	qua via nulla, ruit. iam tum mihi currere visus
	plus homine est, alasque pedes sumpsisse putares.
	effugit ergo omnes veloxque cupidine leti
	vertice Parnasi potitur; miseratus Apollo,
340	cum se Daedalion saxo misisset ab alto,
	fecit avem et subitis pendentem sustulit alis
	oraque adunca dedit, curvos dedit unguibus hamos,
	virtutem antiquam, maiores corpore vires,

Aus Gram stürzt sich Daedalion vom Parnass. Apoll verwandelt ihn in einen Habicht.

(Johann Ulrich Krauss, Edition 1590) Ovid, Met.XI, 321-327

 

	et nunc accipiter, nulli satis aequus, in omnes
345	saevit aves aliisque dolens fit causa dolendi.'

XI: 346 - 409 Peleus et lupus
Peleus und der Wolf
Peleus and the wolf
Peleo y el lobo

	Quae dum Lucifero genitus miracula narrat
	de consorte suo, cursu festinus anhelo
	advolat armenti custos Phoceus Onetor
	et 'Peleu, Peleu! magnae tibi nuntius adsum
350	cladis' ait. quodcumque ferat, iubet edere Peleus,
	pendet et ipse metu trepidi Trachinius oris;
	ille refert 'fessos ad litora curva iuvencos
	adpuleram, medio cum Sol altissimus orbe
	tantum respiceret, quantum superesse videret,
355	parsque boum fulvis genua inclinarat harenis
	latarumque iacens campos spectabat aquarum,
	pars gradibus tardis illuc errabat et illuc;
	nant alii celsoque exstant super aequora collo.
	templa mari subsunt nec marmore clara neque auro,
360	sed trabibus densis lucoque umbrosa vetusto:
	Nereides Nereusque tenent (hos navita ponti
	edidit esse deos, dum retia litore siccat);
	iuncta palus huic est densis obsessa salictis,
	quam restagnantis fecit maris unda paludem:
365	inde fragore gravi strepitans loca proxima terret,

Peleus wird um Hilfe gebeten: Ein riesiger Wolf wütet unter den Herden.

(canis lupus) Ovid, Met.XI, 366

 

belua vasta, lupus iuncisque palustribus exit,

	oblitus et spumis et sparsus sanguine rictus
	fulmineos, rubra suffusus lumina flamma.
	qui quamquam saevit pariter rabieque fameque,
370	acrior est rabie: neque enim ieiunia curat
	caede boum diramque famem finire, sed omne
	vulnerat armentum sternitque hostiliter omne.
	pars quoque de nobis funesto saucia morsu,
	dum defensamus, leto est data; sanguine litus

Peleus vermutet eine Rache der Ehefrau seines Bruders Phocus, den er ermordete.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 374-375

 

375	undaque prima rubet demugitaeque paludes.

	sed mora damnosa est, nec res dubitare remittit:
	dum superest aliquid, cuncti coeamus et arma,
	arma capessamus coniunctaque tela feramus!'
	dixerat agrestis: nec Pelea damna movebant,
380	sed memor admissi Nereida conligit orbam
	damna sua inferias exstincto mittere Phoco.
	induere arma viros violentaque sumere tela
	rex iubet Oetaeus; cum quis simul ipse parabat
	ire, sed Alcyone coniunx excita tumultu
385	prosilit et nondum totos ornata capillos
	disicit hos ipsos colloque infusa mariti,
	mittat ut auxilium sine se, verbisque precatur
	et lacrimis, animasque duas ut servet in una.
	Aeacides illi: 'pulchros, regina, piosque
390	pone metus! plena est promissi gratia vestri.
	non placet arma mihi contra nova monstra moveri;

Auf einem Turm bringt Peleus ein Sühneopfer dar. Mit Hilfe von Thetis wird er erhört.

(Virgil Solis, Edition 1581) Ovid, Met.XI, 321-327

 

	numen adorandum pelagi est!' erat ardua turris,
	arce focus summa, fessis nota grata carinis:
	ascendunt illuc stratosque in litore tauros
395	cum gemitu adspiciunt vastatoremque cruento
	ore ferum, longos infectum sanguine villos.

	inde manus tendens in aperti litora ponti
	caeruleam Peleus Psamathen, ut finiat iram,
	orat, opemque ferat; nec vocibus illa rogantis
400	flectitur Aeacidae, Thetis hanc pro coniuge supplex
	accepit veniam. sed enim revocatus ab acri
	caede lupus perstat, dulcedine sanguinis asper,
	donec inhaerentem lacerae cervice iuvencae

Der reißende Wolf versteinert. Peleus muss weiterziehen zu den thessalischen Magneten.

(Johann Ulrich Krauss, Edition 1590) Ovid, Met.XI, 401-406

 

	marmore mutavit: corpus praeterque colorem
405	omnia servavit, lapidis color indicat illum
	iam non esse lupum, iam non debere timeri.
	nec tamen hac profugum consistere Pelea terra
	fata sinunt, Magnetas adit vagus exul et illic
	sumit ab Haemonio purgamina caedis Acasto.

XI: 410 - 473 Ceyx Alcyonem relinquit
Ceyx reist ohne Alcyone
The separation of Ceyx and Alcyone
La separación de Céix y Alcíone

410	Interea fratrisque sui fratremque secutis
	anxia prodigiis turbatus pectora Ceyx,
	consulat ut sacras, hominum oblectamina, sortes,
	ad Clarium parat ire deum; nam templa profanus
	invia cum Phlegyis faciebat Delphica Phorbas.
415	consilii tamen ante sui, fidissima, certam
	te facit, Alcyone; cui protinus intima frigus
	ossa receperunt, buxoque simillimus ora
	pallor obit, lacrimisque genae maduere profusis.
	ter conata loqui, ter fletibus ora rigavit
420	singultuque pias interrumpente querellas
	'quae mea culpa tuam,' dixit 'carissime, mentem
	vertit? ubi est quae cura mei prior esse solebat?
	iam potes Alcyone securus abesse relicta?
	iam via longa placet? iam sum tibi carior absens?
425	at, puto, per terras iter est, tantumque dolebo,
	non etiam metuam, curaeque timore carebunt.
	aequora me terrent et ponti tristis imago:
	et laceras nuper tabulas in litore vidi
	et saepe in tumulis sine corpore nomina legi.
430	neve tuum fallax animum fiducia tangat,
	quod socer Hippotades tibi sit, qui carcere fortes
	contineat ventos, et, cum velit, aequora placet.
	cum semel emissi tenuerunt aequora venti,
	nil illis vetitum est: incommendataque tellus
435	omnis et omne fretum est, caeli quoque nubila vexant
	excutiuntque feris rutilos concursibus ignes.
	quo magis hos novi (nam novi et saepe paterna
	parva domo vidi), magis hoc reor esse timendos.
	quod tua si flecti precibus sententia nullis,

König Ceyx will nach all dem das Orakel von Claros befragen.

Seine Frau Alcyone möchte ihn nicht allein über das Meer fahren lassen.

(Jean Michel Moreau d. J., 1741-1814) Ovid, Met.XI, 440-443

 

440	care, potest, coniunx, nimiumque es certus eundi,
	me quoque tolle simul! certe iactabimur una,
	nec nisi quae patiar, metuam, pariterque feremus,
	quicquid erit, pariter super aequora lata feremur.'

	Talibus Aeolidis dictis lacrimisque movetur
445	sidereus coniunx: neque enim minor ignis in ipso est;
	sed neque propositos pelagi dimittere cursus,
	nec vult Alcyonen in partem adhibere pericli
	multaque respondit timidum solantia pectus.
	non tamen idcirco causam probat; addidit illis
450	hoc quoque lenimen, quo solo flexit amantem:
	'longa quidem est nobis omnis mora, sed tibi iuro
	per patrios ignes, si me modo fata remittant,
	ante reversurum, quam luna bis inpleat orbem.'
	his ubi promissis spes est admota recursus,
455	protinus eductam navalibus aequore tingui
	aptarique suis pinum iubet armamentis;
	qua rursus visa veluti praesaga futuri

Schweren Herzens und ahnungsvoll lässt Alcyone Ceyx ziehen.

(Ludovico Dolce, 1558) Ovid, Met.XI, 458

 

	horruit Alcyone lacrimasque emisit obortas
	amplexusque dedit tristique miserrima tandem
460	ore 'vale' dixit conlapsaque corpore toto est;
	ast iuvenes quaerente moras Ceyce reducunt
	ordinibus geminis ad fortia pectora remos
	aequalique ictu scindunt freta: sustulit illa
	umentes oculos stantemque in puppe recurva
465	concussaque manu dantem sibi signa maritum
	prona videt redditque notas; ubi terra recessit
	longius, atque oculi nequeunt cognoscere vultus,
	dum licet, insequitur fugientem lumine pinum;
	haec quoque ut haut poterat spatio submota videri,
470	vela tamen spectat summo fluitantia malo;
	ut nec vela videt, vacuum petit anxia lectum
	seque toro ponit: renovat lectusque torusque
	Alcyonae lacrimas et quae pars admonet absit.

XI: 474 - 572 Tempestas et naufragium
Sturm und Schiffbruch
The Tempest and shipwreck
La tempestad

Nach Verlassen des Hafens verläuft die Fahrt zunächst ruhig.

(röm. Mosaik 3. Jhdt p. Chr., Sousse, Tunesien) Ovid, Met.XI, 474

 

	Portibus exierant, et moverat aura rudentes:
475	obvertit lateri pendentes navita remos
	cornuaque in summa locat arbore totaque malo
	carbasa deducit venientesque accipit auras.

	aut minus, aut certe medium non amplius aequor
	puppe secabatur, longeque erat utraque tellus,
480	cum mare sub noctem tumidis albescere coepit

Doch ein auflebender Südostwind verheißt nichts Gutes.

(Eurus) Ovid, Met.XI, 481

 

	fluctibus et praeceps spirare valentius eurus.
	'ardua iamdudum demittite cornua' rector
	clamat 'et antemnis totum subnectite velum.'

	hic iubet; inpediunt adversae iussa procellae,
485	nec sinit audiri vocem fragor aequoris ullam:
	sponte tamen properant alii subducere remos,
	pars munire latus, pars ventis vela negare;
	egerit hic fluctus aequorque refundit in aequor,
	hic rapit antemnas; quae dum sine lege geruntur,
490	aspera crescit hiems, omnique e parte feroces

"Die entfesselten Winde führen Krieg und wühlen das empörte Meer auf."

(sturmgepeitschte See) Ovid, Met.XI, 491

 

bella gerunt venti fretaque indignantia miscent.

	ipse pavet nec se, qui sit status, ipse fatetur
	scire ratis rector, nec quid iubeatve vetetve:
	tanta mali moles tantoque potentior arte est.
495	quippe sonant clamore viri, stridore rudentes,
	undarum incursu gravis unda, tonitribus aether.
	fluctibus erigitur caelumque aequare videtur
	pontus et inductas aspergine tangere nubes;
	et modo, cum fulvas ex imo vertit harenas,
500	concolor est illis, Stygia modo nigrior unda,
	sternitur interdum spumisque sonantibus albet.
	ipsa quoque his agitur vicibus Trachinia puppis

Haushohe Brecher schütteln und erschüttern das zerbrechliche Schiff.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 502-537

 

	et nunc sublimis veluti de vertice montis
	despicere in valles imumque Acheronta videtur,
505	nunc, ubi demissam curvum circumstetit aequor,
	suspicere inferno summum de gurgite caelum.

	saepe dat ingentem fluctu latus icta fragorem
	nec levius pulsata sonat, quam ferreus olim
	cum laceras aries balistave concutit arces,
510	utque solent sumptis incursu viribus ire
	pectore in arma feri protentaque tela leones,
	sic, ubi se ventis admiserat unda coortis,
	ibat in alta ratis multoque erat altior illis;
	iamque labant cunei, spoliataque tegmine cerae
515	rima patet praebetque viam letalibus undis.
	ecce cadunt largi resolutis nubibus imbres,
	inque fretum credas totum descendere caelum,
	inque plagas caeli tumefactum ascendere pontum.
	vela madent nimbis, et cum caelestibus undis
520	aequoreae miscentur aquae; caret ignibus aether,
	caecaque nox premitur tenebris hiemisque suisque.
	discutiunt tamen has praebentque micantia lumen
	fulmina: fulmineis ardescunt ignibus imbres.
	dat quoque iam saltus intra cava texta carinae
525	fluctus; et ut miles, numero praestantior omni,
	cum saepe adsiluit defensae moenibus urbis,
	spe potitur tandem laudisque accensus amore
	inter mille viros murum tamen occupat unus,
	sic ubi pulsarunt noviens latera ardua fluctus,
530	vastius insurgens decimae ruit impetus undae
	nec prius absistit fessam oppugnare carinam,
	quam velut in captae descendat moenia navis.
	pars igitur temptabat adhuc invadere pinum,

Alle erzittern vor der Gewalt der See.

(Galleri Harr, Henningsvaer, Lofoten) Ovid, Met.XI, 534

 

	pars maris intus erat: trepidant haud setius omnes,
535	quam solet urbs aliis murum fodientibus extra
	atque aliis murum trepidare tenentibus intus.

	deficit ars, animique cadunt, totidemque videntur,
	quot veniunt fluctus, ruere atque inrumpere mortes.
	non tenet hic lacrimas, stupet hic, vocat ille beatos,
540	funera quos maneant, hic votis numen adorat
	bracchiaque ad caelum, quod non videt, inrita tollens
	poscit opem; subeunt illi fraterque parensque,
	huic cum pignoribus domus et quodcunque relictum est;
	Alcyone Ceyca movet, Ceycis in ore
545	nulla nisi Alcyone est et, cum desideret unam,
	gaudet abesse tamen; patriae quoque vellet ad oras
	respicere inque domum supremos vertere vultus,
	verum, ubi sit, nescit: tanta vertigine pontus
	fervet, et inducta piceis e nubibus umbra
550	omne latet caelum, duplicataque noctis imago est.
	frangitur incursu nimbosi turbinis arbor,
	frangitur et regimen, spoliisque animosa superstes
	unda, velut victrix, sinuataque despicit undas;
	nec levius, quam siquis Athon Pindumve revulsos
555	sede sua totos in apertum everterit aequor,
	praecipitata cadit pariterque et pondere et ictu
	mergit in ima ratem; cum qua pars magna virorum
	gurgite pressa gravi neque in aera reddita fato
	functa suo est, alii partes et membra carinae

Das Schiff sinkt im Sturm. Ceyx klammert sich an Trümmer.

(Ludovico Dolce, 1558) Ovid, Met.XI, 560-561

 

560	trunca tenent: tenet ipse manu, qua sceptra solebat,

	fragmina navigii Ceyx socerumque patremque
	invocat heu! frustra, sed plurima nantis in ore

Bevor Ceyx im Meer versinkt, ruft er nach Alcyone.

(Virgil Solis, Edition 1581) Ovid, Met.XI, 560-561

 

	Alcyone coniunx: illam meminitque refertque,
	illius ante oculos ut agant sua corpora fluctus
565	optat et exanimis manibus tumuletur amicis.
	dum natat, absentem, quotiens sinit hiscere fluctus,
	nominat Alcyonen ipsisque inmurmurat undis.
	ecce super medios fluctus niger arcus aquarum
	frangitur et rupta mersum caput obruit unda.
570	Lucifer obscurus nec quem cognoscere posses
	illa luce fuit, quoniamque excedere caelo
	non licuit, densis texit sua nubibus ora.

XI: 573 - 649 Domus Somni
Das Haus des Gottes Somnus
The House of Sleep
La casa del dios Somno

	Aeolis interea, tantorum ignara malorum,
	dinumerat noctes et iam, quas induat ille,
575	festinat vestes, iam quas, ubi venerit ille,
	ipsa gerat, reditusque sibi promittit inanes.
	omnibus illa quidem superis pia tura ferebat,

Täglich betet Alcyone vor allem zu Iuno, sie möge ihren Mann heil zurückkehren lassen.

(Virgil Solis, Edition 1581) Ovid, Met.XI, 578

 

	ante tamen cunctos Iunonis templa colebat
	proque viro, qui nullus erat, veniebat ad aras
580	utque foret sospes coniunx suus utque rediret,
	optabat, nullamque sibi praeferret; at illi
	hoc de tot votis poterat contingere solum.

Juno kann nach Ceyx' Tod die vergeblichen Fürbitten der Alcyone nicht mehr etragen.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 583-584

 

	At dea non ultra pro functo morte rogari
	sustinet utque manus funestas arceat aris,

585	'Iri, meae' dixit 'fidissima nuntia vocis,
	vise soporiferam Somni velociter aulam
	exstinctique iube Ceycis imagine mittat
	somnia ad Alcyonen veros narrantia casus.'

Juno schickt Iris in ihrem "1000-farben Schleier" zu Somnus.

(John A. Grimshaw) Ovid, Met.XI, 589-590

 

	dixerat: induitur velamina mille colorum
590	Iris et arquato caelum curvamine signans
	tecta petit iussi sub nube latentia regis.

	Est prope Cimmerios longo spelunca recessu,

Fern im westlichen Kimmerierland liegt das Haus des trägen Schlafgottes Sommnus.

(Somnus-Hypnos) Ovid, Met.XI, 592-593

 

mons cavus, ignavi domus et penetralia Somni,

	quo numquam radiis oriens mediusve cadensve
595	Phoebus adire potest: nebulae caligine mixtae
	exhalantur humo dubiaeque crepuscula lucis.
	non vigil ales ibi cristati cantibus oris

In dieses immer dämmrige Nebeltal gelangen weder Aurora noch der Sonnengott Phoebus.

(Somnus-Hypnos) Ovid, Met.XI, 594-599

 

	evocat Auroram, nec voce silentia rumpunt
	sollicitive canes canibusve sagacior anser;

600	non fera, non pecudes, non moti flamine rami
	humanaeve sonum reddunt convicia linguae.
	muta quies habitat; saxo tamen exit ab imo
	rivus aquae Lethes, per quem cum murmure labens
	invitat somnos crepitantibus unda lapillis.
605	ante fores antri fecunda papavera florent
	innumeraeque herbae, quarum de lacte soporem
	Nox legit et spargit per opacas umida terras.
	ianua, ne verso stridores cardine reddat,
	nulla domo tota est, custos in limine nullus;
610	at medio torus est ebeno sublimis in antro,
	plumeus, atricolor, pullo velamine tectus,

Hier ruht Sommnus von Träumen umgeben.

(Somnus - Risan (Montenegro) 2.Jhdt p. Chr.n.) Ovid, Met.XI, 612

 

	quo cubat ipse deus membris languore solutis.
	hunc circa passim varias imitantia formas

	Somnia vana iacent totidem, quot messis aristas,
615	silva gerit frondes, eiectas litus harenas.

Iris betritt das Haus des Somnus, des Gottes des Schlafes.

(Giulio Carpioni, ca. 1670) Ovid, Met.XI, 616

 

Quo simul intravit manibusque obstantia virgo

Das Gewand der Iris lässt das Haus des Somnus erstrahlen

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 617-618

 

Somnia dimovit, vestis fulgore reluxit

	sacra domus, tardaque deus gravitate iacentes
	vix oculos tollens iterumque iterumque relabens
620	summaque percutiens nutanti pectora mento

Nur mit größter Mühe gelingt es Iris, Somnus zu wecken

(Virgil Solis, Edition 1581) Ovid, Met.XI, 621

 

	excussit tandem sibi se cubitoque levatus,
	quid veniat, (cognovit enim) scitatur, at illa:

Iris spricht Somnus an.

(Morpheus und Iris: Guerin, Pierre, 1811.) Ovid, Met.XI, 623

 

'Somne, quies rerum, placidissime, Somne, deorum,

Gewöhnlich tritt Somnus als freundliche Gottheit auf.

(John William Waterhouse) Ovid, Met.XI, 624

 

	pax animi, quem cura fugit, qui corpora duris
625	fessa ministeriis mulces reparasque labori,

.

	Somnia, quae veras aequent imitamine formas,
	Herculea Trachine iube sub imagine regis

Der trauerbringende Auftrag der Iris: Somnus soll der Alcyone vom Schiffbruch berichten.

(Hypnos, 4. Jhdt. a. Chr.) Ovid, Met.XI, 628

 

Alcyonen adeant simulacraque naufraga fingant.

	imperat hoc Iuno.' postquam mandata peregit,

Iris verlässt Somnus, weil sie von dessen Ausdünstungen selbst müde wird.

Ovid, Met.XI, 630-632

 

630	Iris abit: neque enim ulterius tolerare soporis
	vim poterat, labique ut somnum sensit in artus,
	effugit et remeat per quos modo venerat arcus.

	At pater e populo natorum mille suorum
	excitat artificem simulatoremque figurae
635	Morphea: non illo quisquam sollertius alter
	exprimit incessus vultumque sonumque loquendi;
	adicit et vestes et consuetissima cuique
	verba; sed hic solos homines imitatur, at alter
	fit fera, fit volucris, fit longo corpore serpens:
640	hunc Icelon superi, mortale Phobetora vulgus
	nominat; est etiam diversae tertius artis
	Phantasos: ille in humum saxumque undamque trabemque,
	quaeque vacant anima, fallaciter omnia transit;
	regibus hi ducibusque suos ostendere vultus
645	nocte solent, populos alii plebemque pererrant.
	praeterit hos senior cunctisque e fratribus unum

Somnus wählt Morpheus als Boten aus. Dieser soll Alcyone im Traum über den Tod des Ceyx berichten.

(Morpheus: Odilon Redon, 1840-1916) Ovid, Met.XI, 630

 

	Morphea, qui peragat Thaumantidos edita, Somnus
	eligit et rursus molli languore solutus
	deposuitque caput stratoque recondidit alto.

XI: 650 - 709 Morpheus facie Ceycis sumpta Alcyonem visitat
Morpheus geht in der Gestalt des Ceyx zu Alcyone
Morpheus goes to Alcyone in the form of Ceyx
Morfeo visita bajo el aspecto de Alcíone a Céix

Morpheus fliegt lautlos durch die Nacht zu Alcyone.

(Suzanne Clairac, 1911-2005) Ovid, Met.XI, 650-651

 

650	Ille volat nullos strepitus facientibus alis
	per tenebras intraque morae breve tempus in urbem
	pervenit Haemoniam, positisque e corpore pennis

Morpheus erscheint Alcyone in der Gestalt des Ceyx und berichtet ihr von dem Schiffbruch.

(Virgil Solis, Edition 1581) Ovid, Met.XI, 653-656

 

	in faciem Ceycis abit sumptaque figura
	luridus, exanimi similis, sine vestibus ullis,
655	coniugis ante torum miserae stetit: uda videtur
	barba viri, madidisque gravis fluere unda capillis.
	tum lecto incumbens fletu super ora profuso
	haec ait: 'agnoscis Ceyca, miserrima coniunx,
	an mea mutata est facies nece? respice: nosces
660	inveniesque tuo pro coniuge coniugis umbram!
	nil opis, Alcyone, nobis tua vota tulerunt!
	occidimus! falso tibi me promittere noli!
	nubilus Aegaeo deprendit in aequore navem
	auster et ingenti iactatam flamine solvit,
665	oraque nostra tuum frustra clamantia nomen
	inplerunt fluctus.-non haec tibi nuntiat auctor
	ambiguus, non ista vagis rumoribus audis:
	ipse ego fata tibi praesens mea naufragus edo.
	surge, age, da lacrimas lugubriaque indue nec me
670	indeploratum sub inania Tartara mitte!'

	adicit his vocem Morpheus, quam coniugis illa
	crederet esse sui (fletus quoque fundere veros
	visus erat), gestumque manus Ceycis habebat.
	ingemit Alcyone lacrimans, motatque lacertos
675	per somnum corpusque petens amplectitur auras
	exclamatque: 'mane! quo te rapis? ibimus una.'
	voce sua specieque viri turbata soporem
	excutit et primo, si sit, circumspicit, illic,
	qui modo visus erat; nam moti voce ministri
680	intulerant lumen. postquam non invenit usquam,
	percutit ora manu laniatque a pectore vestes
	pectoraque ipsa ferit nec crines solvere curat:
	scindit et altrici, quae luctus causa, roganti

Alcyone realisiert das Unglück, das ihr im Traum mitgeteilt wurde.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 684-707

 

	'nulla est Alcyone, nulla est' ait. 'occidit una
685	cum Ceyce suo. solantia tollite verba!
	naufragus interiit: vidi agnovique manusque
	ad discedentem cupiens retinere tetendi.
	umbra fuit, sed et umbra tamen manifesta virique
	vera mei. non ille quidem, si quaeris, habebat
690	adsuetos vultus nec quo prius, ore nitebat:
	pallentem nudumque et adhuc umente capillo
	infelix vidi. stetit hoc miserabilis ipso
	ecce loco'; et quaerit, vestigia siqua supersint.
	'hoc erat, hoc, animo quod divinante timebam,
695	et ne me fugiens ventos sequerere rogabam.
	at certe vellem, quoniam periturus abibas,
	me quoque duxisses: multum fuit utile tecum
	ire mihi; neque enim de vitae tempore quicquam
	non simul egissem, nec mors discreta fuisset.
700	nunc absens perii, iactor quoque fluctibus absens,
	et sine me me pontus habet. crudelior ipso
	sit mihi mens pelago, si vitam ducere nitar
	longius et tanto pugnem superesse dolori!
	sed neque pugnabo nec te, miserande, relinquam
705	et tibi nunc saltem veniam comes, inque sepulcro
	si non urna, tamen iunget nos littera: si non
	ossibus ossa meis, at nomen nomine tangam.'
	plura dolor prohibet, verboque intervenit omni
	plangor, et attonito gemitus a corde trahuntur.

XI: 710 - 748 Ceyx et Alcyobne in aves mutantur
Beide werden in Vögel verwandelt
They are turned into birds
Los dos se transforman en aves

710	Mane erat: egreditur tectis ad litus et illum
	maesta locum repetit, de quo spectarat euntem,
	dumque moratur ibi dumque 'hic retinacula solvit,
	hoc mihi discedens dedit oscula litore' dicit
	dumque notata locis reminiscitur acta fretumque

Alcyone findet den angespülten Leichnam des Ceyx.

(Johann Ulrich Krauss, Edition 1590) Ovid, Met.XI, 715-735

 

715	prospicit, in liquida, spatio distante, tuetur
	nescio quid quasi corpus aqua, primoque, quid illud
	esset, erat dubium; postquam paulum adpulit unda,
	et, quamvis aberat, corpus tamen esse liquebat,

	qui foret, ignorans, quia naufragus, omine mota est
720	et, tamquam ignoto lacrimam daret, 'heu! miser,' inquit

Noch erkennt sie ihn nicht, doch zeigt Alcyone Mitleid mit dem Toten und seiner Frau.

(Johann Wilhelm Baur, Edition 1659, Detailfoto Hans-Jürgen Günther 2007)Ovid, Met.XI, 721-723

 

	'quisquis es, et siqua est coniunx tibi!' fluctibus actum
	fit propius corpus: quod quo magis illa tuetur,

	hoc minus et minus est mentis, vae! iamque propinquae
	admotum terrae, iam quod cognoscere posset,

Alcyone erkennt ihren Gatten Ceyx.

(Richard Wilson, 1713-1782) Ovid, Met.XI, 725

 

725	cernit: erat coniunx! 'ille est!' exclamat et una
	ora, comas, vestem lacerat tendensque trementes
	ad Ceyca manus 'sic, o carissime coniunx,

"So kehrst du zu mir zurück?"

(Ceyx und Alcyone: Adam Shaw 2005 ) Ovid, Met.XI, 728

 

sic ad me, miserande, redis?' ait. adiacet undis

	facta manu moles, quae primas aequoris iras
730	frangit et incursus quae praedelassat aquarum.
	insilit huc, mirumque fuit potuisse: volabat
	percutiensque levem modo natis aera pennis
	stringebat summas ales miserabilis undas,
	dumque volat, maesto similem plenumque querellae
735	ora dedere sonum tenui crepitantia rostro.
	ut vero tetigit mutum et sine sanguine corpus,
	dilectos artus amplexa recentibus alis
	frigida nequiquam duro dedit oscula rostro.
	senserit hoc Ceyx, an vultum motibus undae
740	tollere sit visus, populus dubitabat, at ille
	senserat: et tandem, superis miserantibus, ambo

Die Götter erbarmen sich beider. Ceyx und Alcyone dürfen ihre Ehe als Eisvögel fortsetzen.

(Eisvögel-Halcyones) Ovid, Met.XI, 741-748

 

	alite mutantur; fatis obnoxius isdem
	tunc quoque mansit amor nec coniugiale solutum
	foedus in alitibus: coeunt fiuntque parentes,
745	perque dies placidos hiberno tempore septem
	incubat Alcyone pendentibus aequore nidis.
	tunc iacet unda maris: ventos custodit et arcet
	Aeolus egressu praestatque nepotibus aequor.

XI: 749 - 795 Metamorphosis Aesaci
Die Metamorphose des Aesacus in einen Tauchervogel
The transformation of Aesacus
Ésaco se transforma en un somorgujo

	Hos aliquis senior iunctim freta lata volantes
750	spectat et ad finem servatos laudat amores:
	proximus, aut idem, si fors tulit, 'hic quoque,' dixit
	'quem mare carpentem substrictaque crura gerentem
	aspicis,' (ostendens spatiosum in guttura mergum)
	'regia progenies, et si descendere ad ipsum
755	ordine perpetuo quaeris, sunt huius origo
	Ilus et Assaracus raptusque Iovi Ganymedes
	Laomedonque senex Priamusque novissima Troiae
	tempora sortitus; frater fuit Hectoris iste:
	qui nisi sensisset prima nova fata iuventa,
760	forsitan inferius non Hectore nomen haberet,
	quamvis est illum proles enixa Dymantis,
	Aesacon umbrosa furtim peperisse sub Ida
	fertur Alexiroe, Granico nata bicorni.
	oderat hic urbes nitidaque remotus ab aula
765	secretos montes et inambitiosa colebat
	rura nec Iliacos coetus nisi rarus adibat.
	non agreste tamen nec inexpugnabile amori
	pectus habens silvas captatam saepe per omnes

Eine weitere Verwandlung in einen Vogel begann so:

Aesacus, Sohn des Troerkönigs Laomedon, liebt die Nymphe Hesperie.

(Waterhouse) Ovid, Met.XI, 767-770

 

	aspicit Hesperien patria Cebrenida ripa
770	iniectos umeris siccantem sole capillos.

	visa fugit nymphe, veluti perterrita fulvum
	cerva lupum longeque lacu deprensa relicto
	accipitrem fluvialis anas; quam Troius heros

Hesperie flieht. Er verfolgt sie.

(Virgil Solis, Edition 1581) Ovid, Met.XI, 771-776

 

insequitur celeremque metu celer urget amore.

Nach einem Schlangenbiss stirbt sie.

(Johann Ulrich Krauss, Edition 1690) Ovid, Met.XI, 771-776

 

775	ecce latens herba coluber fugientis adunco
	dente pedem strinxit virusque in corpore liquit;

Aesacus sieht die Ursache von Hesperies Tod darin, dass er sie verfolgt hat.

(Jules-Elie Delaunay, 1812-1891) Ovid, Met.XI, 777-782

 

	cum vita suppressa fuga est: amplectitur amens
	exanimem clamatque "piget, piget esse secutum!
	sed non hoc timui, neque erat mihi vincere tanti.
780	perdidimus miseram nos te duo: vulnus ab angue,
	a me causa data est! ego sim sceleratior illo,
	ni tibi morte mea mortis solacia mittam."

Nach Selbstvorwürfen stürzt sich Aesacus ins Meer. Thetys verwandelt ihn in einen Tauchervogel.

(Johann Wilhelm Baur, Edition 1659, Detailfoto Hans-Jürgen Günther 2007) Ovid, Met.XI, 783-784

 

	dixit et e scopulo, quem rauca subederat unda,
	se dedit in pontum. Tethys miserata cadentem
785	molliter excepit nantemque per aequora pennis
	texit, et optatae non est data copia mortis.

	indignatur amans, invitum vivere cogi
	obstarique animae misera de sede volenti
	exire, utque novas umeris adsumpserat alas,
790	subvolat atque iterum corpus super aequora mittit.
	pluma levat casus: furit Aesacos inque profundum
	pronus abit letique viam sine fine retemptat.

Das Aussehen des Tauchervogels spiegelt seinen Seelenzustand

wieder. Die Liebe hat ihn abgezehrt. Sein Hals ist lang.

(Mergus: Tauchervogel) Ovid, Met.XI, 793

 

	fecit amor maciem: longa internodia crurum,
	longa manet cervix, caput est a corpore longe;
795	aequora amat nomenque tenet, quia mergitur illo.'

Illustration zum 11. Buch von Ovids Metamorphosen

Georges Sandys, 1632

 

Titelseite zur illustrierten Ovidausgabe von Johann Ludwig Gottfried

Matthaeus Merian d. Ä., 1619

 

Matthaeus Merian d. Ä. , 1619, Publius Ovidius Naso

* Sulmo 20.3.43 v. Chr., + Tomi um 17 n. Chr.

Mythologie: Lexikon der griechischen Mythologie

Translation: The Metamorphoses, book XI
(by A.S.Kline)

© Hans-Jürgen Günther - 2010

Zurück zur Hauptseite - back